Dank Swissflirt isch innerhaub vo nume 4 Täg, e enormi Bewegig i üses Läbe cho (Sunneblueme 47 u mrbeat 55 Jahr aut). Der erscht Klick vo mir uf Swissflirt hett mis Läbe komplett dürenang brunge, u es isch um mi gscheh gsi, Sunneblueme isch uf der Startsitte uftoucht, es hett kes haute me gä für mi, ig ha aui Heble i bewegig gsetzt für die Person schnäuscht müglech nöcher dörfe lehre z`kenne. Äs hett nume e Flirtgruess brucht, u nume no e Mitgliedschaft bi Swissflirt, när hettsech die Phase vom Lehre kenne, Explosionsartig entwicklet. No ir gliche Wuche nachem Flirtgruess u der erschte Nachricht, hei mir üs uf neutralem Bode troffe, zumene erschte unverbindleche Beschnuppere, beidi si gspannt gsi wie ne Pfileboge, was äch da derhär chunnt. Schüch heimer beidi zäme zögerlech ume Huusegge ume gluuset, es lächle uf de Gsicht vo beidne, u z`Isch isch Blitzartig broche gsi. Si du zäme fein go ässe, hei grad vo Afang a ire sehr vertroute, offene u ehrleche Art, super guet chönne brichte, ohni Hemmige u Vorurteu. Mir hei sofort gspürt, dases für beidi passt, u üsi Häng heisech gli einisch mitts ufem Tisch troffe, warm, härzlech u sehr vertrout. Na däm schöne Abe isch haut de der Abschied scho wider cho (mit Müntschi), aber e Abschied nume für churzi Zyt. Hei üs entschlosse das mir i Zuekunft zäme wei d`Wäut entdecke. Ungerdesse hei mir üs scho mehrmaus dörfe träffe, u es isch Wunderbar.

O we mir beidi sehr skeptisch si gsi, gägenüber settnige Flirt Portau, isch doch das genau, u wüu üs der Gwunger nid hett loosglah, der Richtig Wäg gsi. Wichtig der Gloube, das z`Glück irgend eis chunnt cho iche gluuse, nid verliere, u Geduld ha.

Liebi ufe erscht Blick, das gitts würklech, mir dörfe das am eigete Körper erfahre. Danke tuusig Swissflirt (sunneblueme 47 / mrbeat 55)